“Şahdağ” Turizm Mərkəzi tərəfindən 156 vakansiya təqdim olunub

“Şahdağ” Turizm Mərkəzinin təşəbbüsü və Quba-Xaçmaz Regional Məşğulluq Filialının Qusar rayon xidmət şöbəsinin təşkilatçılığı ilə növbəti əmək yarmarkası keçirilib.

Mərkəzdən Turizmplus.az saytına verilən məlumata görə, əmək yarmarkasında şimal regionundan 300-dən artıq vətəndaş iştirak edib. Yarmarkada “Şahdağ” Turizm Mərkəzi tərəfindən 156 vakansiya təqdim olunub.

Əmək yarmarkası zamanı 116 işsiz və iş axtaran vətəndaşların şəxsi məlumatları qəbul edilərək nəzərdən keçirilib, onların vakansiyalar üzrə məşğulluğunun təmin edilməsi üçün zəruri addımlar atılıb.

Tədbirdə iştirakçılara özünüməşğulluq proqramı, əmək bazarının tələblərinə uyğun yeni peşələrə yiyələnmə imkanları və mövcud vakansiyalar barədə geniş məlumat verilib.